Әнием күз нурым! Мин сине бик ныкъ яратам!!!

Безнең бакчага китапханәче кунакка килде.Ул буш кул белән килмәгән, әле генә табадан төшкән өр- яңа китаплар алып килгән.

Безнең бакчадан Гыйльмиев Рәнис "Бәхетле балачак иле" зона конкурсында "Әбиемнең чәйләре" җыры белән чыгыш ясады.

Бүген безнең бакчабызга балаларның әби- бабайлары кунакка килде.Балалар аларга үзләренен бакчада өйрәнгән һөнәрләрен күрсәттеләр.

Кояш көлеп уяндыда

Нурларын сипте мулдан,

Әбиләр килде бакчага

Атлап кояшлы юлдан.

Иртәгә бездә зур бәйрәм - Өлкәннәр көне. Без бүген кадерле кешеләребезгә бүләк әзерләдек.

Әбиләргә бүләк ясадык, 

Иренмәдек, тырыштык.

Үзең хезмәт куйган әйбер

Зур бүләк дип уйладык.

Бүген безгә тәрбияче апабыз чишмә суының файдасы турында сөйләде. аннан соң без чиләкләребезне алып чишмәнең шифалы суын алып кайтырга дип киттек.

Бүген без бәйрәмебезгә

Чишмәдән су китердек.

...Бер чиләк су алып кайттык,

Бер чиләк - сәламәтлек.

Көч - җитезлек бәйгесендә

Эшләрем уңмаса да,

Шаккатмассыз, димен, хәер,

Чемпион булмасам да.

Көчле, нык булып, чыныгып

Үсәсем килә тизрәк.

...Туган илне сакларга да

Туган телне сакларга да

Сәламәт акыл кирәк.

Бездә бүген - Корбан ашы. Балалар  үзләренең татар, мөселман икәнлекләрен белеп үссеннәр диеп, без бүген мөселманнар гына ашый торган иттән аш пешердек.Корбан ите дигән бу сыер итен ашаган кеше зур үсә, акылллы була.Безнең бәйрәм тагын да күңелле үтсен диеп без Фидәил хәзрәтне дә чакырдык. Бәйрәм хәзрәтнең котлавы, үгет- нәсыйхәтен тыңлау балаларның белгән догаларын укып күрсәтү белән тәмамланды.

Хәерле көн, гает көне!

Яңа көнем, бул изге.

Алып кил җиргә бәрәкәт,

Куандыр әле безне.

Исән булыйк һәркайсыбыз,

Таң туды, сәламләшик.

Татар балалары бит без

Исән- сау булып яшик.

Көз-сылу килгән ерактан,

Нәрсә генә алмаган!

Нинди бүләк кирәклеген

Әйтмәсәң дә аңлаган.

Алсу,яшел буяуларны

Биргән алма, кыярга.

Бөрлегән кызыл мәрҗәнен

Белми кая куярга.

Көз шулай төрле төсләргә

Буйый бөтен җирне дә.

Җиләк- җимеш белән сыйлый

Шатландырып безне дә.

Оча яфрак, уйный яфрак,

Һаваларда әйләнеп.

Бүген, бүген, бүген, бүген

Яфракларның бәйрәме!