Карга боткасы - иң күңелле язгы бәйрәмнәрнең берсе. Көн  белән төн тигезләшкән вакытта, кара каргалар килү хөрмәтенә үткәрелә торган бу бәйрәмне һәрберебез зур түземсезлек белән көтеп ала.

Елдагыча, март аенда, мәктәп белән берлектә, "Кошлар - безнең канатлы дусларыбыз" дигән кичә үткәрелде. Якын дусларыбызга багышлап, тематик күргәзмә ясалды; табышмаклар әйтелде; шигырьләр, жырлар башкарылды.

Балаларны тормыш куркынычсызлыгы кагыйдәләренә өйрәтү кечкенәдән башлана. Бу көннәрдә аларга бозда куркынычсызлык кагыйдәләрен искә төшерү аеруча да мөһим. Шөгыльләрдән тыш, уен вакытында да,  кагыйдәләргә зур игътибар бирелә. 

Барыбыз да шатланабыз,
Шуып һич тә туймыйбыз.
Язга кадәр һәр көн шулай
Тау шуарга уйлыйбыз.

Ямьле яз иртәсендә балалар альбомга кояш рәсеме төшерә.

Бакчабызда ыгы-зыгы,

Күп кунаклар килделәр.

Бездә бәйрәм буласын,

Әллә каян белгәннәр.

Бүген гаилә бәйрәме бит,

Бүген җирдә тантана.

Кояш шуңа көлеп карый,

Гөлләр шуңа шатлана.

Әти-әни һәм кунаклар,

Безгә гел килеп торсын.

Бакчабызда көн дә шулай,

Бәйрәмнәр гөрләп узсын!

Әтиләр үзләренең чәч үрү, прическа ясау осталыгын күрсәтәләр

Рәхмәт, бакча, без сәламәт,

Йөзләребез шуңа шат.

Бәхетле буласың килсә,

Син дә спортны ярат.

Балалар белән эшләүче һәркемнең төп бурычы – бар яклап сәламәт шәхес тәрбияләү. Сәламәт булу өчен дөрес тукланырга, вакытында һәм витаминлы ризыклар ашарга, хәрәкәтләнергә, ял итәргә, чисталыкны яратырга, медицина хезмәтеннән дөрес  файдалана белергә кирәк. Бу уңайдан, Бигәнәй балалар бакчасында әледән-әле: иртәнге физзарядка, шөгыльләр, көндезге аш, йокы, саф һавада йөрү вакытында аңлату эшләре алып барыла.