Атна дәвамында әдәплелек турында сөйләштек. Үз- ара дус уйнарга, матур сүзләр белән сөйләшергә кирәклегенә төшендек. Яраткан уенчыкларыбызны бергәләшеп юдык.

Атна дәвамында туган авылыбыз, районыбыз, Республикабыз турында сөйләштек. Шигырьләр өйрәндек, җырлар җырладык. Табигатькә сәяхәткә чыктык.

Озак еллар "Ромашка" балалар бакчасында тәрбияче булып эшләүче тәрбиячебезне котлыйбыз! Аның хезмәтен район мәгариф бүлегедә югары бәяләде һәм мактау грамотасы белән бүләкләде.

Бакчабыз мәйданчыгы янында яңа футбол мәйданчыгы ачылды. Без шунда рәхәтләнеп туп тибәбез.

Бакчабызда ата- аналар җыелышы булды. Узган уку елыны нәтиҗә ясалды, алдагы уку елына яңа планнар төзелде. 

                                          Сау бул инде, гүзәл бакча,

                                          Безнең җылы оябыз.

                                          Синдә үсеп канат ярдык,

                                          Инде юлга чыгабыз.

Хуш сөекле бакчабыз,

 Сау булыгыз, апалар.

 Сезгә барысы өчен дә                

 Рәхмәт әйтә балалар.

Моңсуда, ямансуда, шатлыклыда әлеге бәйрәм. Яңа тәпи йөрергә өйрәнгән, кулына кашыкта тота белмәгән балалар- бүген укучылар булып үсеп җиттеләр. Чын күңелдән ак юллар теләп, балаларыбызны мәктәпкә озатабыз!!!

Балаларны яклау көне уңаеннан, бакчабызда спорт бәйрәме үткәрелде.

Бакчабызда юл йөрү кагыйдәләрен өйрәтү буенча эш алып барыла. Шул уңайдан балалар иртәсенә кунакка районнан, "Юл хәрәкәте иминлеге" оешмасының җитәкчесе Ягафарова Гүзәл Назиф кызы чакырылган иде. Ул балалар чыгышын бик кызыксынып карады. Алар белән әңгәмәләр үткәрде. Алып килгән бүләкләре белән балаларны сөендерде.