Бүген Шәмәрдән лицее базасында мәктәпләр арасында үткәрелүче КВН ярышларының зона этабы узды. Безнең команда әлеге ярышларда уңышлы чыгыш ясап, финалга үтте. Молодцы, котлыйбыз! Командага киләчәктә дә уңышлар телибез.  

   23 нче гыйнвар көнне "Саба дулкыннары" телерадиокомпаниясе әзерләгән "Мәктәпләр тормышы" тапшыруы кысаларында, мәктәбебезнең эшчәнлеге чагылдырылган тирән эчтәлекле, сюжетларга бай булган тапшыру күрсәтелде.

   19 нчы гыйнвар көнне Саба аграр көллиятендә район мәктәпләре арасында үткәрелеп килүче шахмат ярышларының II туры булып узды. Анда безнең мәктәбебез командасы Юлбат урта мәктәбе командасы белән көч сынашты һәм уеннар  18:18 исәбенә тәмамланды. Укучыларга алга таба да уңышлар телибез. (Җитәкчеләре-Шакирова Марсилә М.) 

   Бүген 4 нче сыйныф укучысы Галимҗанов Булат әтисе Галимҗанов Ленар Расим улы белән "Мы ГоТОвы!"дип исемләнгән гаилә белән ГТО нормаларын тапшыру бәйгесендә катнаштылар һәм уңышлы чыгыш ясадылар. Молодцы! Аларга киләчәктә дә уңышлар телибез.    

   Бүген Лесхоз бистәсенең - спорт мәдәният үзәгендә зур чыршы бәйрәме булып узды. Анда районыбыз мәктәпләрендә белем алучы, спортта, мәдәни чараларда һәм укуда зур уңышларга ирешкән укучылар катнашты. Аларны котларга Саба муниципаль районы башлыгы Рәис Нургали улы Миннеханов та килде. Әлеге чарада безнең мәктәптән дә 11 укучы катнашты. Уңышлар Сезгә, укучылар!

   Явлаштау урта мәктәбендә ата-аналар җыелышы булып узды. Җыелышта укыту һәм тәрбия буенча яртыеллыкка йомгак ясалды, алда торган максатлар белән таныштырылды, ата-аналарны кызыксындырган сорауларга җаваплар бирелде.

   Мәктәбебездә "Кояшкай" кышкы лагере үз эшен башлап җибәрде.

   25 нче декабрь көнне башкалабызның "Татнефть Арена" спорт комплексында президент елкасы булып узды. Әлеге чарада безнең мәктәптән Галимҗанова Илүзә һәм Галимҗанов Нурсилләр катнашты.