Бүген  районның балигъ булмаган балалар белән эшләү инспекторы  Сибагатов Айгиз Анасович югары сыйныф укучылары белән очрашып тәртип кагыйдәләре турында сөйләде, профилактик әңгәмә үткәрде.

Озын тәнәфесләрдә эзтабарлар  белән төрле уеннар һәм биюләр даими үткәрелеп тора. Бүгеннән аларга әйдаманнар "Сәләт -Саба" биюләре өйрәтә башладылар.

"Саф чишмә" балалар бакчасының әзерлек төркемендә тәрбияләнүчеләр мәктәп тормышы белән танышу максатыннан Эзмә урта мәктәбендә булдылар. Укытучы Зәкәрова Гөлсирә Рәшитовна җитәкчелегендәге  "Курчак уйнау- җитди эш" дип исемләнгән дәрестән тыш эшчәнлектә 2а классы укучылары көче белән куелган курчак спектаклен карадылар.

Районның 85 еллык юбилее уңаеннан үткәрелгән "Сәләхият - Дарование" сәнгатьле сөйләм район конкурсында укучыларыбыз уңышлы чыгыш ясап кайттылар.10 нчы сыйныф укучысы Зиннатова Әдилә әлеге бәйгедә 2нче урын алды. Укучыларыбызга алдагы бәйгеләрдә дә уңышлар телибез.

"Универсаль укыту гамәлләре" дигән темага педагогик киңәшмә үтте. 

Бүген "Балага белем алуда ничек ярдәм итәргә?" дигән тема астында ата-аналар җыелышы булды. Җыелышта мәктәп директоры Шаймарданов А.Н., полиция хезмәткәре Хабибуллин Ф.Ф., 9нчы сыйныф җитәкчесе Каримуллина Э.Т. чыгышлары тыңланды. Соңыннан җыелыш сыйныфларда дәвам итте.

28нче һәм 29нчы октябрь көннәрендә  мәктәбебездә "Проблемаларны креатив юл белән чишү ысуллары" темасы астында тренинг үткәрелде. Тренинг вакытында укытучылар киләчәк эшләрендә файдалану өчен актив структураларны өйрәнделәр. Тренинг бик файдалы һәм нәтиҗәле үтте.

Бүген 4, 6, 8нче сыйныф укучылары өчен  татар теленнән диагностик тестлар уздырылды.

2-11нче сыйныфларда бүген "Дөньяда иң зур дәрес" үткәрелде. Дәрес вакытында укучылар Даун синдромы, аутизм, ДЦП диагнозы булган балалар тарихы белән таныштылар, видеосюжетлар карадылар.

Информатика укытучысы Галиева Г.М. бүген 5-7 сыйныф укучылары белән "Интернет челтәрендә куркынычсызлык" дигән темага бердәм дәрес үткәрде.Гөлназ Муллагалиевна үзенең дәресендә интернет челтәрендә куркыныч хәлләр корбаны булмас өчен үзеңне, иптәшләреңне, компьютерыңны ничек сакларга кирәклеген аңлатты, һәр укучыга кагыйдәләр җыелмасы өләште.