Тимер юлда балалар куркынычсызлыгы буенча башлангыч сыйныфлар белән мультфильмнар карап, анализланды, куркынычсызлык кагыйдәләре аңлатылды.

"Яшә,чишмә" акциясе кысаларында укучыларыбыз  чишмә янына экскурсиягә барып, аның  тирә-юнен җыештырдылар.

Бүген "Сәйлән" отряды варислары белән "Табигать - безнең дустыбыз" темасына сбор үткәрелде. Сборда сентябрь аенда билгеләнеп үтүче "Байкал күле көне", "Урманчылар көне" һәм "Диңгез көне" буенча әңгәмә булды һәм видеоролик каралды.

Бүген районыбыз мәгариф хезмәткәрләренең спартакиадасы булып узды. Безнең мәктәбебез укытучылары да әлеге спартакиадада актив катнаштылар.

Мәктәбебездә быелгы уку елында да ГТОны тормышка ашыру дәвам итә: укучыларыбыз сайтларда теркәлү уза, әти-әниләрнең ризалыгы алына, исемлекләр яңартыла.

Әлеге акция кысаларында бүген 5-6нчы сыйныф укучылары белән сыйныф сәгате үткәрелде, анкеталар тутыртылды. 

Бүген мәктәптә янгын куркынычсызлыгын тәэмин итү максатыннан, эвакуация үткәрелде. Укучыларга янгын вакытында үз-үзеңне тоту кагыйдәләре тагын бер тапкыр аңлатылды.

Мәктәбебездә "Экстремизмга-юк!" айлыгы дәвам итә. Шушы айлык кысаларында Лидия Фәритовна башлангыч сыйныф укучылары белән "Без халыклар дуслыгы яклы!", "Мин яшәгән район" темалары буенча рәсемнәр ясатып, иң матур рәсемнәрне билгеләделәр.

Бүген 2а сыйныф укучылары китапханәдә экскурсиядә булдылар. Китапханәче Алинә Раилевна укучыларны китап укуга кызыксындыру  максатыннан яңа китаплар, сүзлекләр белән таныштырды, алар белән ничек эшләргә кирәклеген аңлатты. 

Республикабызда 5-6 сентябрьдә  билгеләп үтелгән Парклар һәм скверлар көннәре безнең мәктәбебездә дә спорт мәйданчыгы ачылу вакыйгасы белән истә калырлык булды. Шатлыгыбызны уртаклашып,  район башлыгы Рәис Миннеханов  һәм   ТР вице-премьеры Васил Шәйхразиев үзләренең изге теләкләрен җиткерделәр.