Кечкенәләр төркеме балалары белән җәйне озатып,матур хәтирәләр белән уртаклаштык.

Балаларда эстетик зәвык тәрбияләү, фантазияләрен үстерү максатыннан, җәй айларында да балалар төсле кәгазьләрдән кисеп - ябыштырдылар.

Яңгыркаем, яу инде, яу! -
Җир сусаган назыңа.
Тереклекнең көче бетә
Яумый торсаң аз гына.
Яңгыркаем, яу инде, яу! -
Көчеңне бир җиһанга.
Тамчыларың тып-тып тамып,
Шатлык өстәр ал таңга.
Яңгыркаем, яу инде, яу! -
Сөенсен Җир-анабыз.
Син яуганда яшәргә көч,
Иркен сулыш алабыз.

Киттек яшелчә бакчасына.
Без яшелчә бакчасына барабыз, барабыз.
Тәмле яшелчәләр җыябыз, җыябыз.
Кабак кебек зур үсәбез,
Аннары өйгә таба кайтабыз, кайтабыз.

Развиваем воображение,чувство композиции,мелкую моторику;аккуратность при выполнении работы.

Даими рәвештә балалар белән юл кагыйдәләрен искә төшереп торабыз. Төрле уеннар уйныйбыз. 

Җәйге чәчәкләр бит алар

Иң саф, гүзәл чәчәкләр.

Бер назлап көләчәкләр дә

Аннары шиңәчәкләр.

Шул чәчәкләрне өзәргә

Куллар ничек үрелсен?

Бер өзелгәч, ул чәчәкләр

Тагын ничек терелсен?

Чәчәкләр миңа карый да

Күзләрен сирпи сыман.

«Китеп тә барабыз»,— диеп,

Кулъяулык селки сыман.

Бүген - Россия флагы көне. Россия Федерациясе Дәүләт флагы көне - үзен күпмилләтле бөек дәүләтнең чын гражданины итеп таныган, аның көчле ил булып мул тормышта яшәвен теләгән һәр кеше өчен олы бәйрәм. Россия флагының өч төсе - Ватаныбызның иң мөһим символларының берсе. Ак төс азатлык һәм мөстәкыйльлек, зәңгәр - ышаныч һәм рухият, кызыл бөеклек һәм көч-куәт дигәнне аңлата.

Кечкенәләр төркеменә йөрүче балалар да макетлар ярдәмендә юл йөрү кагыйдәләрен уйный-уйный өйрәнәләр.

Нәрсә соң ул матурлык?

Батырлыкмы матурлык?

Чибәрлекме, галимлекме,

Гадилекме матурлык?

Әллә үзебездәме?

Нәрсә соң ул матурлык?

Матурлыкны күрә белү —

Үзе дә чын батырлык.