Бакчабызда бүген бәйрәм,

Бәйрәмнең дә ниндие?!

Барыбыз да көтеп алган

Безнең Туган тел көне!

«И туган тел, и матур тел» – дигән Г.Тукай һәм шунда ук матурлыгын сиздереп: «Әткәм-әнкәмнең теле» – дип өстәгән. Бу сүзләрдә никадәр күңел назы, туган телне, туган җирне ярату. Туган җир… Туган ана… Туган тел… Әхлаклы, тәрбияле кеше үзенең туган җирен, ата-анасын ярата, туган телдә сөйләшә. Җир йөзендә һәр кешенең үз туган ягы, туган теле – иң матуры, иң күркәме, иң кадерлесе. Бакчабыз Эзмә мәдәният йортында Шигырь бәйрәмен үткәрде.

Безнең Гали бигрәк тату Кәҗә белән, 
Менә Кәҗә карап тора тәрәзәдән.

Гали аны чирәм белән кунак итә, 
Кәҗә рәхмәт укый — сакалын селкетә.

Әйдәле, Акбай! өйрән син, арт аягың берлә тор; 
Аума, аума! туп-туры тор, төз утыр, яхшы утыр!

Әйт әле, Күбәләк, 
Сөйләшик бергәләп: 
Бу кадәр куп очып 
Армыйсың син ничек?

Кәҗә, Сарык ут янына якын барса, 
Мискиннәрнең күз алдында менә нәрсә: 
Өч-дүрт Бүре утырганнар каршы утка, 
Тыршып-тыршып пешермәктә алар бутка.

Өйгә кайттым да: «Әни, алтын тарак таптым!» — дидем;
«Сусадым, ардым, әни, мин бик озак чаптым»,— дидем.

Сейләгәчтен кыйссаны, алды тарагымны әни;
Курка үзе алса да,— уйлый эченнән әллә ни...

Бик матур бер җәйге көн: өстәл янында бер Сабый 
Ян тәрәзә каршысында иртәге дәрсен карый.

Чын күңел берлән укый ул, кат-кат әйтеп һәр сүзен; 
Бик озак шунда утырды, бер дә алмастан күзен.

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән. 

                                                            Г. Тукай

Агач-куаклар тирә-як мохитебезне матурлаучы, саклаучы, һаваны чистартучы булып торалар. Безнең сәламәтлек тә яшеллек белән нык бәйләнгән. Бу җәһәттән яз-көз төрле акцияләр оештырыла. Шуларның берсе - Татарстанда урман утырту көне: ул быел 26 нчы апрель көннәренә туры килде.