Бүген зурлар төркемендә уңыш бәйрәмен билгеләп үттеләр. Бүлмә көз тематикасы буенча матур итеп бизәлгән, балалар матур итеп киенгән, ә әти-әниләр көзге уңыштан төрле компазицияләр ясап алып килгәннәр иде. Бәйрәмнең кереш өлешендә мөдир Сөмбелә бәйрәме турында һәм бакча территориясеннән күпме уңыш җыелганы турында кыскача сөйләде. Конкурста катнашкан балалар һәм тәрбияче апаларга мактау кәгазьләре тапшырды. Бәйрәмнең төп өлешендә балалар ике телдә дә шигырьләр сөйләделәр, җырладылар, кызлар "Яфрак коела" биюен, ә егетләр "Гөмбә" биюен башкардылар, мәкальләр, табышмаклар әйтештеләр, "Уңышны җыяр чак" уенын уйнадылар. "Тәме буенча таны" уенында әти-әниләр катнашты. Бәйрәмгә үзенең күчтәнәчләре белән Көз кызы да килгән иде.