Бүген бакчабызда балигъ яшенә җитмәгән балалар эшен алып баручы инспектор Сибагатов Айгиз Анасович зурлар төркемендә балалар белән тәртипләре турында әңгәмә алып барды. Әңгәмә барышында төрле темаларга тукталды: балаларның өйдә үзләрен тотышлары, өлкәннәргә карата нинди булулары, бакчаның эчке тәртипләрен истә тотулары, юл йөрү кагыйдәләрен, машинада утырып йөрү кагыйдәләрен искә төшерде. Балалар белгәннәрен җавап бирделәр. Һәрвакыт тәртипле булырга кирәклеген һәм өлкәннәрне тыңлап, хөрмәт итәргә кирәклеге турында аңлауларын әйттеләр. Вакыт табып, бакчабызга балалар белән очрашуга килгән өчен Айгиз Анасовичка рәхмәтебезне белдерәбез!