Бүген хәрби-патриотик тәрбия айлыгы кысаларында 8-11 класс егетләре арасында "Ягез әле, егетләр!" ярышы узды. Ярыш бик киеренке булды. Егетләрне төрле яктан сынадык: ОБЖ фәненнән сорауларга җаваплар бирделәр, противогаз киделәр, мылтык сүтеп җыйдылар, төймә тактылар, хат яздылар, скакалкада сикерделәр, спортның башка төрләрендә көч сынаштылар һәм аркан тартышып тәмамладылар. Аз гына өстенлек белән "Дембеля" командасы "ВДВ" командасын җиңде. Ә кызлар матур концерт номерлары белән сөендерделәр.