Безне бакчабызның ишегалдында яңа сын үз урынын тапты. Гади машина тәгәрмәчләреннән нинди матур сыннар ясап була икән, бары тик фантазияне эшкә җигәргә кирәк! 

Кечкенәдән үк кызлар матур булырга ярата, гүзәллеккә омтыла. Сары чәчәккә күмелгән урынны сайладык та, без дә тәкыя үреп, балачакның бер мизгелен истәлеккә фотога төшердек...

1 июнь- "Балаларны  яклау көне"ндә мәктәп белән берлектә Сабантуй  бәйрәме оештырылды. Бакча балалары "Чүлмәк вату", "Кашык белән су ташу", "Эш бияләе киеп таш җыю" кебек уеннарда яратып һәм актив катнашты.  Җырладылар, шигырь сөйләделәр, рәхәтләнеп күңел ачтылар.

"Талантлар утравы-2015" фестивалендә безнең бакчабыздан Җиһаншиннар гаиләсе катнашты. Алар үзләренең матур, зәвыкълы чыгышлары белән күпләрнең күңеленә үтеп керделәр. Бер гаиләдә шундый иҗат кешеләре булу зур сөенеч! Рәхмәт сезгә! Киләчәктә иҗат чишмәләрегез саекмасын, чишмә суыдай челтерәп чыккан тавышыгыз күңелләргә ял бирсен! Котлыйбыз!

Район күләмендә үткәрелгән конкурста безнең бакча теләп һәм актив рәвештә катнашты. Без Мактаулы грамотага лаек булдык!