Зурлар төркеме балалары атнага ике тапкыр Боз сараена фигуралы шуу түгәрәгенә бик яратып йөриләр, үзләренең сәламәтлекләрен ныгыталар. 

Көчле, нык булып, чыныгып

Үсәсебез килә тизрәк.

...Туган илне сакларга да,

Туган телне якларга да

Сәламәт акыл кирәк.

"Чәйдән соң-күңелдә җәй", диләр.Чыннан да, кросста йөгереп килеп, кайнар чәй эчеп тә куйгач, күңелләр җылынып китте, кәефләр тагын да күтәрелде. Ә коймаклары "телеңне йотарлык " иде! Рәхмәт уңган апаларга.

Бүләксез бәйрәм бәйрәм буламыни? "Татарстан кроссы-2013" спорт бәйрәмендә катнашучы hәр бала матур буяугычларга ия булдылар. 

Саулык - зур байлык икәнен

Без инде белеп алдык.

Сәламәт яшәү рәвешен

Зур максат итеп куйдык.

Бүген бакчабызда гомуми  җыелыш булып узды. Җыелышны башлап зурлар төркеме балалары Н.Дәүлинең "Җырлап узган җәй" әкиятен сәхнәләштереп күрсәттеләр. Әти-әниләр яңа уку елына куелган төп бурычлар белән таныштырылды, борчыган күп кенә сорауларына  җавап бирелде. Җыелышка ГИБДД вәкиле Насыбуллин И.Д. да  чакырылган иде. Ул әти-әниләр белән, видео-фотолар күрсәтеп, балаларга юл йөрү кагыйдәләрен өйрәтү торышы турында әңгәмә оештырды. Балаларга яктылыкны кире кайтара торган браслетлар өләште. 

Җәйнең матур көнендә

Күзәт әле, иренмә —

Көне буе эш кайный

Кырмыскалар илендә.

Ничек төзи белгәннәр:

Өйләре катлы-катлы.

Озын, урау юллардан

Чабалар бер-бер артлы.

Бүген Сабада  мәгариф хезмәткәрләренең август киңәшмәсе узды.  Анда мәгариф өлкәсендә үзләрен аеруча таныткан, озак еллар буе эшләгән хезмәткәрләр сәхнә түренә чакырылып рәхмәт сүзләренә ирештеләр ,бүләкләргә ия булдылар. Алар арасында безнең бакчада күп еллар буе эшләгән тәрбиячебез Мәрдәнова Мөслимә Хәфизовна да бар иде. Без -  аның коллегалары шушы вакыйга белән аны чын ихластан котлыйбыз hәм шатланабыз.