2013 ел - ТРда "Табигатьне саклау елы" дип игълан ителде. Безнең бакчада  балаларга экологик тәрбия бирү, табигатькә сакчыл караш тәрбияләү максатыннан төрле чаралар уздырылды. Табигать турында белгәннәрен искә төшерү максатыннан әңгәмәләр үткәрдек,табышмаклар , мәкаль-әйтемнәр өйрәндек, презентацияләр карадык.

Балалар Кызыл китап, анда кертелгән үсемлекләр, җәнлекләр турында белем алдылар. "Без - табигать балалары" исемле  күргәзмә өчен эчтәлекле, тирән мәгънәле рәсемнәр ясадылар.

Әти-әниләрне дә экологик проблемага тарту максатыннан, "Кошларга ярдәм итик!"  акциясе уздырылды. Балалар әтиләре белән берлектә кошларга җимлекләр ясап алып килделәр, аннары мәйданчыктагы агач-куакларга элеп куйдылар.

Табигать безне җылыта, ашата, киендерә, сәламәтлегебезне саклый. Табигать  бездән hәрчак ярдәм көтә. Ә без, үз чиратыбызда кулыбыздан килгәнне эшләргә бурычлыбыз.Табигатьне саклыйк, дуслар!  Бу hәркемнең изге бурычы.