"Кышкы күңел ачулар" тема астында узган атна ахырына якынлашты. Балалар кыш турындагы белемнәрен тагын да тулыландырдылар, боз hәм кар белән төрле тәҗрибәләр үткәреп үзенчәлекләре турында кызыклы мәгълүмат алдылар.

Шөгыльләрдә балалар  кышкы спорт уеннары, таныклы спортчылар турында презентацияләр карадылар. Үзләренең дә яраткан уеннары бар икән. Кем чаңгыда шуарга ярата, командалар туплап,  хоккей уйнарга да йөриләр икән...

Командалы уеннарга килгәндә, менә бүген дә "Кышкы спартакиада" ярышлары оештырдык әле. Ярышта "Җитезләр" hәм " Шуклар " командалары катнашты. Сыңар пар чаңгы киеп йөгерү, чанада иптәшеңне йөртеп килү, кәшәкә белән алканы капкага кертү уеннары иң яратканнары булып чыкты. Ахырдан "Иң шәп чаңгычы!"ны билгеләдек. Ярыш нәтиҗәләренә килгәндә, әлбәттә, дуслык җиңде. Сөенечтән, күмәкләшеп "Тау патшасы" ( "Царь горы" ) уенын уйнадык.