Бу атнабыз  бөек татар шагыйре, көрәшче  М.Җәлилгә багышланган. Балалар белән язучының тормыш юлы, аның гаиләсе, Бөек Ватан сугышы китергән фаҗигаләр турында әңгәмәләр уздырылды, презентацияләр каралды. М.Җәлил иҗатында бик күп шигырьләр балаларга атап язылган. Аның шигырьләре табигатьне яратырга; туган илне, Ватанны сөяргә, аңа тугрылыклы булырга өйрәтә. "Күке", "Сәгать", "Чишмә", "Маэмай", "Әтәч" шигырьләрен балалар яратып тыңладылар. Ә инде "Карак песи" шигырен өйрәнеп сәхнәләштереп тә уйнадылар.