Бүген, 5 март көнне, бакчабызда, 8 Март бәйрәме уңаеннан, "Ягез әле, Әтиләр! Ягез әле, Әниләр!" исемендә КВН булып узды. Әтиләр hәм әниләр ике капма-каршы командага бүленеп көч сынаштылар. Аларга төрле сынаулар әзерләнгән иде, мәсәлән, күзләрне бәйләп баланы киендереп бакчага озату, әтиләргә яулык, алъяпкыч бәйләп бәрәңге әрчү, әниләргә исә ир-ат эш киеме киеп чүкеч белән кадак кагу, кайсы команда күбрәк балалар җыры белә, капма-каршы мактау сүзләре әйтү h.б. h.б. Бәйрәм балаларның котлавы hәм матур чыгышлары белән үрелеп барды. Матур җырлар, дәртле биюләр аша балалар әниләре, апалары, дәү әниләренә бәйрәм котлавын җиткерделәр, үз куллары белән ясап матур открыткалар бүләк иттеләр. Бәйрәм бакча мөдире Сайфутдинова Ләйсән Талгатовнаның бәйрәм котлавы, бакча тормышында актив катнашкан гаиләләргә грамоталар тапшыруы белән тәмамланды.