Бүген безнең бакчабызга Лесхоз мәдәният йорты хезмәткәрләре: сәнгать җитәкчесе Гөлия апа һәм китапханә мөдире Алисә апаларыбыз килде. Алар безгә татар халкының гореф-гадәтләре, милли бәйрәмнәребез турында чыгыш ясадылар, татар халык әкиятләре укыдылар. Әкият аша дус-тату булырга, бер-береңә ярдәм итәргә, бердәм булганда гына җиңеп чыгып булуы турында аңлаттылар. Ахырдан балалар белән түгәрәк уены оештырылды. Балаларга Гөлия һәм Алисә апаларының "Күчтәнәч"е бик ошады. Аларга рәхмәт әйтеп һәм тагын килүләрен теләп озатып калдылар.