Һәрбер әти-әни, тәрбиячеләр яхшы белә: әдәби мирасыбызның бер өлеше булган балалар әдәбияты әсәсрләре, халык авыз иҗаты үрнәкләре нәниләрнең логик фикерләү сәләтен үстерә, тирә-юньне танып белергә өйрәтә, дөнья халыклары иҗаты белән кызыксынуларын арттыра. Шуны истә тотып агымдагы атна темасын "Әкияттә кунакта" дип алдык . "Тылсымлы әкиятләр көне"ндә "Гөлчәчәк", "Казлар-аккошлар" кебек тылсымлы әкиятләрне б-р йотлыгып тыңладылар, җырлар өйрәнделәр. "Татар халык әкияте" көнендә татар халык әкиятләре белән таныштылар. "Өч кыз", "Бүләк кемгә?" мультфильмнарын карап, фикер алыштылар.

Өченче көн рус халык әкиятләренә багышланган иде. Бу көнне "Шалкан", "Теремкәй" әкиятләрен сәхнәләштереп уйнадылар. "Минем яраткан әкиятем" темасына рәсем ясадылар.

Дүртенче көндә А. Алиш, Г. Тукай әкиятләрен укыдык. "Сертотмас үрдәк " мультфильмын карап фикер алыштык.

Җомга көнне "Син әкият беләсеңме?" дигән викторина уздырылды. Балалар бик актив булдылар. Шимбә көнне балалар үзләре теләгән әкиятләрне сәхнәләштереп уйнадылар.