Казанда булып узган зур вакыйга - Универсиада илебезне бар дөньяга танытты. Безнең спортсменнарыбыз зур уңышларга ирештеләр. 155 алтын, 75 көмеш, 62  бакыр - барлыгы 292 медаль яулап алдылар... Шуңа да август конференциясенә әзерләгән  күргәзмәбезнең бер өлеше Универсиадага багышланган иде. Икенче өлеше - табигатьне саклауга багышланды. Без-кешеләр Җир-ананың саф hавасын сулыйбыз, чиста суын эчәбез, табигый байлыкларыннан кулланабыз. Табигатьне саклау, аны пычратмау безнең изге бурыч булып тора.

Татарстан дигән горур исем

Бөтен җир шарына танылды.

Универсиада үзәгендә

Лесхозга да урын табылды.

Бездә аккан тәмле чишмә суын

Дөнья халкы якын, үз итте.

"Урман аланы" дип аталган су

Ерак-ерак илләргә китте.

Урман, җир-су hәм hава - 

Безнең якын дуслар ул.

Дусны саклап тотсаң гына,

Тормыш рәхәт булыр, мул!