Бүген безнең бакчада күп еллар буе эшләп лаеклы ялга чыккан өлкәннәребез өчен бай эчтәлекле бәйрәм тантанасы булды. Балалар чал чәчле әбиләребезгә багышлап концерт номерлары күрсәтте, аларны чәчәк бәйләмнәре hәм бүләкләр белән зурладылар. Аннары бәйрәм мул табын артында дәвам итте. Өлкәннәр хөрмәтенә яңгыраган җырлардан күзләрендә яшь тамчылары ялтыраса да, аларның күңелләре шат иде. Үзләре дә күңел ачтылар: җырладылар да, биеделәр дә, фото-презентация карап истәлекле хатирәләрен яңарттылар, табын артында тәмле чәйләр эчеп бик озак чөкердәштеләр өлкәннәр.

Зур хөрмәткә, олы ихтирамга лаек апаларыбыз! Сезне бәйрәмегез белән чын күңелдән котлыйбыз. Сезгә хәерле озын гомерләр, сәламәтлек, җан тынычлыгы  телибез!