"Йорт хайваннары hәм кошлары" атналыгын йомгаклап бүген зурлар төркеме балалары катнашында "Тапкырлар сандыгы" исемендә күңел ачу булып узды. Кунак булып бакчага Тапкырҗан абзый килгән иде. Үзенең зур тылсымлы сандыгын чак өстерәп керде ул. Ә сандыгы йорт хайваннары, йорт кошлары турындагы зирәк табышмаклар белән тулы иде. Балалар Тапкырҗан табышмакларына  дөрес җавап бирделәр, төрле йорт хайваннарына "әверелеп" үзләре турында шигырьләр сөйләделәр, җырлар башкардылар, рәхәтләнеп биеделәр, хәтта "Чуар тавык" әкиятен уйнап күрсәттеләр. Сандык тәмам бушагач, Тапкырҗан абзый балаларга бүләкләрен өләште, киләсе очрашуларга кадәр саубуллашып китеп барды. Балалар рәхәтләнеп күңел ачтылар.