Атна дәвамында үзләштергәннәрне гомумиләштереп, бүген мәктәпкә әзерлек төркемендә "Татар кызы! Татар малае!" бәйгесе узды. Балалар үзләре белән таныштырдылар;  "тылсымлы сүзләр", татар милли киемнәре, туганнар, әби-бабай, туган як турында матур шигырьләр сөйләделәр,  җырлар башкардылар. Жюри балаларның кул эшләрен, табышмакларга дөрес җавап бирүләрен, кунакларга өстәл әзерләүләрен, бию осталыкларын һ.б. да игътибар белән күзәтеп бәяләде. Бәйге барышында һәр баланың ныклы әзерлеге һәм зур җаваплылык тойганы сизелеп торды. Бәйгегә нәтиҗә ясалды, балалар Мактау грамоталары һәм истәлекле бүләкләр белән бүләкләнделәр.