Бүген бер кызыбызны мәктәпкә озаттык.  Киләчәктә ак юллар сиңа, үскәнем!

Экология айлыгы буенча эшләнгән : бакча кырыйларын чистарттык, агач утырттык, шөгыль үткәрдек.

Бакчабызда Г. Тукайның тууына 127 ел тулу уңаеннан "Без Тукай оныклары" дип аталган кичә үткәрдек. Кичәбезгә мәктәптән укытучылар белән укучыларны да чакырдык. Балаларыбыз бөек шагыйребез язган һәм аңа тап язылган шигырьләр сөйләделәр, җырлар җырладылар. "Шүрәлеләр" биюе кунакларга бик ошады.

5 апрель көнне балалар белән авылдашларыбызны "Нәүрүз бәйрәме" белән котладык. Аларга  изге теләкләр теләдек, шигыйрьләр сөйләдек. Аннан соң бакчабызда "Карга боткасы" пешердек, төрле кызыклы уеннар уйнадык. Бәйрәмебезгә Кыш бабай белән Нәүрүз кыз  да килгән иде.

Март ае күңелле "Гаилә бәйрәме" белән башланып китте. Бәйрәмебезнең беренче өлешендә балалар белән әзерләгән  "Мин бәхетле гаиләм белән" дип исемләнгән концерт булды.

Концертыбыз музыкаль ансамбль чыгышы белән башланып китте. Бик күп төрле биюләр өйрәндек: татар халык биюе "Су юлы", "Корея халык биюе", Матрешкалар", "Бал- җимеш" Һ.б.
Бәйрәмебезнең икенче өлешендә "Әти, әни һәм мин - спорт сөюче гаилә" дип аталган ярыш булды. Анда әти-әниләребез бик теләп катнаштылыар.

"Котлы булсын, ямьле булсын,

Бүген- Әни бәйрәме".

Кабул итеп ал Син бүген,

Бездән шушы бүләкне.

Кадерле Әтиләребезгә  балалар үз куллары белән ясаган открытка бүләк иттеләр.

Без шушы бәйрәм кичәбезне мәктәп укучыларына күрсәттек. Без аларны Универсиада талисманы, эмблемасы, логотибы белән таныштырдык. Универсиадага багышлап шигырьләр сөйләдек, җырлар җырладык, биедек.

Җирнең иң матур җирендә

Татарстанда торам мин,

Малайлар һәм кызлар! Сезне

Универсиадага чакырам мин.