Ап - ак тун киеп кыш килде

Ябалак - ябалак кар ява 

Без дә кидек җылы туннар

Куркытмый салкын һава

Сөенәбез, шатланабыз

Күңелле үтә кышлар

Чаңгы,чана, тимераяк

Безнең иң якын дуслар.

Бүген без барыбыз бергә җыелып "Чаңгы юлы - 2019" проектына җыелдык. Бигрәк күңелле инде саф һавада чаңгы шуулары.

Бүген безнең бакчабызга Саба районы янгыннар күзәтчелеге буенча баш  дәүләт  инспекторы Галимуллин А.Н. килде. Ул балаларга янгын куркынычсызлыгы турында кызыклы мәгълүмат бирде. Янгын килеп чыккан очракта нишләргә икәнлеген аңлатты. Балаларның сорауларына җавап бирде.

Территорияне матурлау максатыннан бик күп сыннар ясалды, төсле гирляндалар, мишуралар белән бизәлде. Шушы тырышлыгыбыз өчен без кызыксындыру бүләгенә лаек булдык.

Ерактан суык яклардан

Боз чанага утырып

Бәйрәмгә килде Кыш бабай

Күчтәнәчләр тутырып

Кулларында боз таягы

Сакалы җиргә тигән

Ә янында сылу бер кыз

Энҗе кардан киенгән.

Халыклар бердәмлеге көне уңаеннан бакчабызда "Без бергә көчле" дип исемләнгән чара уздырылды. Балалар һәрберсе төрле милләтләр турында чыгыш ясады. Бу бәйрәмнең ничек килеп чыгуын презентация аша таныштык.  

"Китап -  киңәшчең синең"  атналыгы буенча 3 ноябрь көнне йомгаклау чарасы  үткәрү өчен кунакка Явлаштау авылы китапханәчесе Галиева Тәгъзимә Габделгазиевна, аның кызы Айзилә һәм Мишәбаш авылы мәдәният йорты мөдире Ахатова Хания апа килделәр. Тәгъзимә Габделгазиевна балаларны китапханә эшчәнлеге белән таныштырды, китап турында кызыклы мәгълүматләр бирде, әкиятләр укыды. Очрашуыбыз ахырында  Абдулла Алиш язган  "Куян кызы" әкиятен сәхнәләштерделәр. Онытылмас кызыклы очрашу өчен аларга зур рәхмәтләребезне җиткерәбез!