Бөек шагыйребез Габдулла Тукайның туган көне уңаеннан Мишәбаш балалар бакчасы, Мишәбаш авыл клубы мөдире, Явлаштау авыл клубы каршында эшләп килүчә китапханә мөдире Галиева Тәгъзимә А. , Мишәбаш башлангыч мәктәп коллективлары катнашында "Габдулла Тукай - безнең күңелләрдә" дип исемләнгән бәйрәм иртәсе уздырылды. Бәйрәмдә балалар һәм укучылар үзләренең өйрәнгән шигырьләрен, җырларын башкардылар һәм әкиятләрен сәхнәләштерделәр. Бакчага йөрүче балалар "Су анасы" әкиятен уйнап күрсәттеләр. "Туган тел" җырын бәйрәмдә катнашучылар барысы бергә башкардылар. Мишәбаш авылы клуб мөдире Ахатова Хания Ф. һәм китапханәче Галиева Тәгъзимә бәйрәмдә катнашучыларга Тукай турында бик тә эчтәлекле әңгәмә уздырдылар, автобиографиясен сөйләделәр, үзләре дә рольләргә кереп "Шүрәле" әкиятен сәхнәләштерделәр . Балаларга бигрәк тә Шүрәле образы ошады. Бәйрәм соңында төрле уеннар уйналды, җыр - бию белән дәвам ителде. Клуб мөдире Хания апалары катнашучыларга бүләкләр өләште, бәйрәм бик күңелле узды.