Халыкара инвалидлар ункөнлеге уңаеннан Саба муниципаль районы мәдәният бүлегендә "Без йолдызлардан яктырак" дип исемләнгән конкурс-кичәдә катнашып Зарипов Гадел диплом белән бүләкләнде. 

"Инвалидлар декадасы" уңаеннан үткәрелгән шашка ярышында Зарипов Гадел 2 урынны алып кайтты. Молодец! 

Бүген мәктәп күләмендә Саба кызы Ләйсән Зарипова белән очрашу булды. Ул үзенең матур биюләрен бүләк итте.

Бүген,“Башлангыч сыйныфлар айлыгы” кысаларында, ата-аналар өчен спорт юнәлеше буенча дәрестән тыш эшчәнлектән чара үткәрелде . Әти-әниләр һәм балалар арасында ярыш оештырылды. Әлеге чара бөтен кешенең дә күңеленә хуш килде.

24нче ноябрь көнне  укытучы Миннебаева И.М. 2нче сыйныфта татар теленнән ачык дәрес күрсәтте. Укучылар  ь билгесенең вазифалары белән таныштылар, үзләренең белемнәрен камилләштерделәр.

24нче ноябрь көнне   “Иң чиста дәфтәр”  күргәзмәсе оештырылды. Башлангыч сыйныф укучыларының төрле фәннәрдән эш дәфтәрләренә  анализ ясалды һәм нәтиҗә чыгарылды.

 1-4 сыйныфлар арасында матур язучы укучыны билгеләү өчен "Иң матур язучы"  конкурсы игълан ителде. Тавыш бирү ярдәмендә 1 сыйныфтан - Хайруллина Айзилә, 2сыйныфтан - Нигаматзянова Камилә, 3 сыйныфтан - Нигаматзянова Әдилә, 4 сыйныфтан - Ибрагимова Динә   билгеләнде.  

20 ноябрь көнне Бөтенроссия балаларга хокукый ярдәм күрсәтү көне. Шул уңайдан, мәктәбебездә Садрев Рөстәм Аюпович катнашында линейка үткәрелде.

Китапханә мөдире Гараева С.С. 20 нче ноябрь көнне башлангыч сыйныф укучылары белән “Туган телем -  иркә гөлем” исемле ярыш-бәйге үткәрде. Укучылар туган тел турында шигырьләр сөйләделәр, табышмак, кроссвордларга  җаваплар таптылар, буталчык хәрефләрдән сүзләр төзеделәр.  Жюри гадел хөкем  итеп  “Туган як балалары” командасы - I, “Туган тел” командасы  II урынны яулады. Соңыннан истәлекле бүләкләр тапшырылды.