5-11нче класс укучылары ике командага бүленеп ("яшелләр" һәм "зәңгәрләр" взводы) "Аҗаган 2011" хәрби-спорт уенына әзерлекне дәвам итәләр бу көннәрдә взводлар арасында "Строевой смотр"га әзерлек бара. Инде беренче биремне үтәргә өлгерделәр, һәр взвод "Ватанны саклаучылар" көненә багышлап "Боевой листок" (стенгазета) чыгардылар.

(стенгазеталарны һәм башка үткәргән мероприятияләрне медиатекадан карарга була)

 Саба районында ел да уздырыла торган, февраль аендагы Әфганстанда һәлак булган якташларыбыз истәлегенә багышланган волейбол ярышында безнең мәктәп егетләр командасы III урын алып кайттылар. Молодцы, егетләр! 

Бүген (18.02.11) мәктәптә Саба районы физкультура укытучыларының семинары булды. Көн тәртибендә: физкультура укытучысы Мустафин Рамил Салихович "Волейбол уенында алымнар" темасына ачык дәрес күрсәтте; укучылар көче белән әзерләнгән "Спорт батырларына дан" дип исемләнгән класстан тыш чара карадылар; түгәрәк өстәл артында алда куелган бурычлар турында әңгәмә кордылар.

17нче февраль көнне мәктәбебездә "Ватанны саклаучылар" көненә багышлап "Ягез әле, егетләр!" кичәсе (оештыручы ОБЖ укытучысы Ибрагимов Р.З.)  булып узды. 8-11нче класс егетләре ике командага бүленеп пневматик мылтыктан ату, автомат макетын сүтеп-җыю, турникта тартылу, канатка менү, аркан тартышу, бәрәңге әрчү, төймә тагу һәм башка төрле эстафеталарда көч сынаштылар. Кичә бик күңелле узды.

16нчы февраль көнне  китапханә мөдире Гәрәева Сәрия Солтановна Муса Җәлилнең тормыш юля һәи иҗатына багышланган "Гомерем минем моңлы бер җыр иде, үлеме дә яңгырар җыр булып...", - дип исемләнгән кичә уздырды.

Мәктәп күләмендә "Ватанны саклаучылар" көненә багышланган егетләр (турникта тартылу)  һәм кызлар ("поднимание туловища")  арасында бәйге уздырылды. Егетләр арасында I урын - Нагимов Әдел (3кл);  кызлар арасында I урын - Вәлиева Гөлинә (8кл) алдылар. Котлыйбыз укучылар!

15нче февраль көнне, патриотик тәрбия бирү максатыннан, ОБЖ укытучысы Ибраһимов Рамил Зөфәрович "Совет гаскәрләренең Әфганстан җиреннән чыгаруга" 22 ел тулу уңаеннан, 8-11нче сыйныф укучылары белән ачык тәрбия сәгате үткәрде.  

14 нче февраль көнне 8-11 класслар өчен "Гашыйклар кичәсе" үткәрелде. "сердәш" почтасына җыелган валентинкалар ияләренә тапшырылды. "Иң кечкенә валентинка", "Иң эчтәлекле валентинка", "Иң серле валентинка", "Иң кызыклы валентинка", "Иң озын валентинка", "Кулдан ясалган валентинка"лар да билгеле булды.

14нче февраль көнне өстәл теннисы буенча егетләр арасында ярыш төгәлләнде. Нәтиҗәләр:

I урын - Загидуллин Венер (8 кл)

II урын - Мубараков Айнур (6кл)

III урын - Мингазов Фирзәр (8 кл)

Бүген мәктәптә "Лыжня 2011" оештырылды. Чаңгыга барлык укытучылар һәм укучылар, техник хезмәткәрләр чыкты.