Танып белү эшчәнлегендә туган ягыбызга ямьле яз килүе,табигатьтә булган үзгәрешләр турында сөйләштек.Яз көне төрле куркынычсызлыклар: түбәләрдән кар төшүе, бозлавык һәм язгы ташудан сак булырга кирәклеге аңлатылды.

Хөрмәтле әтиләребезне, бабайларыбызны, егетләребезне бәйрәм белән!

Муса Җәлил иҗатын, аның тормыш юлын балалар кызыксынып өйрәнделәр. Шигырьләрен укыдык, җырларын тыңладык. Карак песи шигырен сәхнәләштердек. Рольләргә керү аеруча күңелләренә хуш килде.

Карак песине сәхнәләштердек.

Спорт-сәламәтлек чыганагы. Балаларда хәрәкәт активлыгына ихтыяҗ формалаштыру, яшьтәшләре белән зур булмаган төркемнәрдә, үзләре белеп, уеннар оештыруда мөстәкыйльлекләрен үстерү максатыннан  күңелле стартлар оештырдык. Балаларга төрле спорт ярышлары бик ошады.

Әй үсәбез, үсәбез

Эшкә дә өйрәнәбез.

Урыннарны җәябез

Менә нинди уңган без!

“Кар бабай”
Тәгәрәтеп ак карны,
Ясадык кар бабайны.
Куйдык кишердән борын,
Ясадык ике кулын.
Күзләре – кара күмер.
Дидек: “Син урам себер!”
Зур себерке тоттырдык,
Көлешеп карап тордык.

Балалар татар милли киемнәрен кызыксынып карадылар. Киеп карау бигрәк тә ошады. Милләтебез белән горурлану хисләре туды.

Кыш бабай, кыш бабай

Безне бик ярата.

Ул безгә Яңа ел

Бүләге тарата.