Балалар белән походка бардык.Төрле уеннар уйнадык. Бик күңелле булды!

         Уза гомер аккан сулар кебек.

         Үсеп бара безнең балалар.

         Бакчабызда үскән сабыйлар

         Мәктәпләргә инде баралар.

30 нчы май көнне бакчабызда күңелле һәм шул ук вакытта дулкынландыргыч та бәйрәм-мәктәпкә озату кичәсе үткәрдек. Бакчабыздан ике бала Галиуллина Сөбел һәм Шагабиев Булат мәктәпкә китәләр. Без аларны чын күңелдән котлыйбыз һәм 4-5 билгеләренә генә укуларын телибез!

Май аенда узган “Талантлар утравы-2015” гаиләләр ансамбле фестивалендә Ахметов Райнур һәм Гөлфияләр гаиләсе катнашып, “Рәхмәт хаты” белән бүләкләнделәр. Аларны без дә тәбриклибез һәм алга таба да шулай актив булуларын теләп калабыз.

Май аенда Ахметова Камилә, Амирзянов Әлфир һәм Галиуллина Сөмбелнең туган көннәрен билгеләп үттек.  Аларны тагын бер кат бәйрәмнәре белән котлыйбыз һәм сау-сәламәт, акыллы, иманлы балалар булып үсүләрен теләп калабыз.

А.Алиш әкиятләренә иллюстрация.

Авылыбызда Бөек Җиңүнең 70 еллыгын бәйрәм итәргә балалар да, өлкәннәр дә бик ныклап әзерләнде. Бәйрәм балалар һәм өлкәннәр бергә әзерләгән бәйрәм концерты белән дәвам итте. Матур җырлар, әдәби-музыкаль монтаж Ветераннарыбызның күңеленә бик хуш килде. Өлкәннәр Бөек Ватан сугышында һәлак булганнар истәлегенә куелган  обелискка венок куйдылар һәм бер минут тынлык белән тәмамланды.

Бакчабызда, Бөек шагыйрь- Габдулла Тукайның туган көнен билгеләп үттек. Атна дәвамында иҗаты белән таныштык, Тукай әсәрләре буенча төзелгән мультфильмнар карадылак. Балалар, шигырьләрен, әкиятләреннән өзекләр ятлап сөйләделәр. Ахырдан бергәләп “Туган тел”җырын җырлап тәмамладык.

Галиуллина Сөмбелнең Г.Тукай әкиятләренә иллюстрациясе.

Бүген, 17 апрель көнне, Галиуллин Ильярга 6 яшь тулды. Аны туган көне белән котлыйбыз, бәхетле, сау-сәламәт егет булып үсүен телибез!