"Галәм киңлекләре" темасына аппликация күргәзмәсе.      

Әлеге атна “Ял итү өчен җәмәгать урыннары” темасы буенча узды. Йомгаклау чарасына балалар бик матур әкиятләр өйрәнеп килеп сөйләделәр. Зиятдинов Ислам “Шапшак малай” , Галиуллин Ильяр “Куркак юлдаш” ,Гатауллин Дәниф “Батыр куян”әкиятләрен сөйләделәр,Давлетшина Ильзия “Өч аю” әкиятенә иллюстрация ясаган иде.Балалар иптәшләрен бик кызыксынып, яратып тыңладылар.

“Кошлар кайта туган якларга” – рәсем күргәзмәсе

Хуш киләсен, гүзәл Нәүрүз!-

Язгы яңа елыбыз,

Яңа елга туры булсын,

Нурлы булсын юлыбыз!

21 март көнне авылыбызда “Нәүрүз” бәйрәме үткәрдек. Балалар, килгән кунакларга шигырьләр сөйләделәр, җырлар җырладылар, уеннар уйнадылар. Ә ахырдан, барыбыз да “Карга боткасы” ,коймак,чәй белән сыйландык.

7нче март көнне “Әбиемә бүләккә” темасы буенча бәйрәм кичәсе уздырдык.Кунакка үзләренең оныкларын яратып тәрбияләп үстерүче,зур хөрмәткә лаеклы әбиләребезне чакырдык. Балалар әбиләренә җырлар җырладылар, шигырьләр сөйләделәр һәм “Кызыл Калфак” әкиятен куйдылар. Әбиләр бик яратып карадылар. Ә ахырдан,балалар үзләре тырышып ясаган бәйрәм открыткаларын тапшырдылар. Әбиләр дә, балалар да бик канәгать калдылар.

23 февраль –Ватанны саклаучылар көне уңаеннан әтиләргә бүләкләр әзерләдек. Әтиләрен котлау нияте белән һәрбер бала бик тырышып ясады.Галстуклар бик матур килеп чыкты!

Мәдәният йортында Ватанны саклаучылар көне уңаеннан, әтиләр һәм балалар катнашында күңелле стартлар  уздырдык. Балалар да,әтиләр дә уен-ярышларда күңел биреп,бик актив катнаштылар.

Бакчабызда Ватанны саклаучылар көне уңаеннан бәйрәм кичәсе уздырдык.Балалар бик матур чыгыш ясадылар. Әтиләрен котлап бүләкләрен тапшырдылар.