17 нче февраль көнне "Туган ягым серләре" түгәрәгенә йөрүче укучылар Сәләтле балалар интернат-мәктәбендә райондашыбыз Марданов Риталий Валентинович ярдәме белән оештырылган хәрби-диңгез флоты музеена экскурсиягә бардылар.

Укучылар хәрби-диңгез флотының тарихы, аквалангларның төрләре, корабль макетлары белән бик теләп таныштылар. Шулай ук, районыбызның танылган су асты йөзүчеләре- Нургали Миннихан улы, Мәхмүт Габдулла улы, Әюп Асертдин улларына багышлап ясалган мәгълүмати стендны зур кызыксыну белән карадылар.

15 нче февраль көнне мәктәбебездә, герой-шагыйрь Муса Җәлилнең  туган көненә багышланган әдәби-музыкаль чара үткәрелде. Чараның максаты укучыларның Муса Җәлилнең тормышы һәм иҗаты  турындагы белемнәрен тирәнәйтү, яңарту. “Гомерем минем моңлы бер җыр иде...”– , дип язган Муса Җәлил. Безнең өчен аның исеме дә җырга әверелде, республикабыз чикләрен үтеп, бөтен дөньяда яңгырады. Кешеләр аның тоткынлыкта, үләр алдыннан иҗат иткән шигырьләрен укып таң калды, аларны шагыйрьнең сынмас рухы, көче сокландырды. Укучылар да бүген шагыйрьнең әсәрләрен  яттан сөйләделәр,җырларын башкардылар . Шулай ук алар өчен бай күргәзмә оештырылган иде. Нәтиҗә ясап шуны әйтергә була: хәзерге заман укучылары да, Муса Җәлил һәм аның иптәшләре батырлыгын онытмыйлар, иҗатын чын күңелдән ихтирам итәләр.