Сюжетлы-рольле уеннар балаларга  сүз байлыгын арттырырга, аралашырга, бердәм булып эшләргә өйрәтә. Бүген алар табын кордылар, салат, аш пешерергә өйрәнделәр, кунаклар чакырдылар, аларны тәмле ризыклар белән сыйладылар, бер- берсенә матур сүзләр әйтергә өйрәнделәр.

2 нче  апрель- Халыкара балалар китабы көне. Шул уңайдан бакчабызда тәрбияләнүче балалар китапханәгә китаплар белән якыннанрак танышырга, белгән белемнәрен ныгытырга экскурсиягә керделәр.

Балалар бүген "Теремкэй " рус халык әкиятен укып сәхнәләштерделәр.

Бүген балалар бакчасында янгын куркынычсызлыгы кагыйдәләрен, янгын вакытында үзеңне ничек тотарга кирәклеген кабатлап, балаларны эвакуацияләү буенча өйрәнүләр үткәрелде.

Бүгенге көлке көне уңаеннан, балалар рәхәтләнеп уйнадылар, көлделәр, шаярдылар.

Балалар бакчасында белем һәм тәрбия бирү хезмәт белән үрелеп алып барыла. Бүген балалар юылган уенчыкларны урыннарына урнаштырып куярга өйрәнәләр.

Яз кояшы күзләрне иркәләгән көннәрдә урамда уйнау үзе бер күңеллелек.

Балалар бакчасында экология темасын яктыртып, табигатьне саклау, чистарту, чүпләмәү турында күп төрле сөйләшүдәр алып барыла, балалар белән кызыклы шөгыльләр, эңгәмәләр корыла. Шушы уңайдан бакчада,"Икенче тормыш бүләк ит" акциясе үткәрелде. Балалар , әти-әниләре белән берлектә, кирэк булмаган, чүпкә ташлыйсы әйберләрдән, матур матур эшләнмәләр: картиналар, чәчәк букетлары, карандаш савытлары һәм башка төрле кирәк яраклар ясап алып килделәр.