Көннән көн "Сәләт-Саба" аланы кыза бара! Сәлкешләр мастер-классларда бик актив катнашалар: кайсылары волейбол, футбол уйный, кайсылары әдәби тәнәфес үткәрә, ә кайсылары иҗади эш белән шөгыльләнәләр. Сәяхәтче видеоблогер Азат Кашапов, Сәләт ветераннары абыйлы – энеле Рүзәл һәм Рәдиф Әхмәдиевлар белән булган кызыклы очрашулар да сәлкешләрнең күңеленә хуш килде. Шуның белән беррәттән сәләтлеләр Биләр форумына әзерлек эшен дә алып баралар.