27 декабрь көнне Хөснулла һәм Аллаһияр Валиуллиннар исемендәге Саба балалар сәнгать мәктәбенең  бию  булегендә белем алучы  4 сыйныф укучылары белән «Ак карларда барлык матурлык» дип аталган тематик дәрес үткәрелде (Гимадиева Т.Г.). Кышның гүзәл мизгелләре, кар бөртекләренең төрлелеге турында әңгәмә булды, һәр кешегә төрле-төрле кар бөртекләре белән биремнәр бирелде. Кар бөртекләрендәге  биремнәрне үтәп,балалар үзләренең  төрле халык биюләрен башкардылар. Дәресләрдә даими үзләштергән белемнәрен ныгыттылар, халык биюләренә мәхәббәтләрен  башкару осталыгы аша күрсәттеләр.Дәрес бик күңелле һәм мавыктыргыч үтте. Кыш үзенең ак карлары , бураннары, суыклары белән иң гүзәл табигатьле ел  фасылы буларак бүгенге дәрес аша укучылар күңелендә якты хәтирәләр,истәлекләр калдырыр.