Киләчәкне күреп бара шагыйрь, Пар атлары күптән җигелгән. Күчә Тукай яңа дәверләргә, Халык йөрәгенең түреннән. Һәр елны татар халкы түземсезлек белән апрель аен көтеп ала. Ул аны табигатьнең иң матур фасылы булган өчен генә түгел, ә сөекле, олы шагыйребез Тукай туган, безгә Тукайны бүләк иткән ямьле, матур көннәр итеп тә каршы ала. Халкыбызның сөекле улы – бөек шагыйребез Тукаебызга быел 129 ел! Һәр елны татар телендә аралашкан кешеләр Тукай турында уйлый, Тукай шигырьләрен ятлый, бөек Тукайның туган көнен билгеләп сәхнәләрдә, мәйданнарда, мәктәпләрдә, балалар бакчаларында сөекле шагыйребез иҗатына багышлап, әдәби кичләр уздырыла. Быелда районыбыз сәхнәсендә 26 нче аперель көнне Тукай шигырьләрен иң оста башкаручыларны бүләкләү кичәсе оештырылды. Хөснулла һәм Аллаһияр Валиуллинар исемендәге Саба балалар сәнгать мәктәбе курайчылары ансамбле (җит. Солтанов С. Н.), “Яшьлек” бию коллективы (җт. Мөбәрәкҗанова А. З.), скрипкачылар ансамбле (җит. Калимуллина Р. С.) Валиева Алсу, Сагитова Фарида, Лукманова Лиана. (җит. Давлиева Г. Р.) Тукай әсәрләрен башкарып кичәгә якты хатирәләр, матурлык өстәделәр. Еллар үткән, ара ерагайган саен, Тукай шәхесе безгә якыная, кадерлерәк була бара. Аңа булган чиксез ихтирам безнең күңелләрдә онытылмаслык урын ала. Тукай иҗаты татар халкының гаҗәеп зур байлыгы.