Балачак-бәхет иле ул, Кояшлы хыял иле. Ал гөлләргә уратылган. Ул чорның һәр мизгеле. 1 июнь- балалар яклау көне уңаеннан үзәк мәйдан каршында балалар өчен бик матур чара үткәрелде. Чарада балалар үзләренең төрле һөнәрләргә осталыкларын күрсәттеләр. Хөснулла һәм Аллаһияр Валиуллиннар исемендәге Саба бабалар сәнгать мәктәбенең ялгыз башкаручылары, бию коллективлары чараны үзләренең чыгышлары белән бизәделәр. “Яшьлек” бию коллективының “татар”, сәнгать мәктәбе бию коллективының “Эх саба кызлары” биюе, кызлар вокаль ансамбле башкаруында “Тынычлык”, Лукманова Лиананың “Кызыл калфак” Валиева Алсуның “Маленькая старана”, “Балачак - бәхет иле” җыры тамашачы-балалар күңеленә хуш килде, көчле алкышларга күмелде.

Балалар көлсеннәр, олылар белсеннәр

Балалар кирәкле дөньяда кешеләр.

Балалар хыялы-бәхетле киләчәк,

Җырлап, биеп, көлеп яшьнәсен күңелләр.