Укучыларыбыз кышкы ял вакытында Лесхоз бистәсенә барып боз сараенда шудылар. Мондый ял аларның сәламәтлеген ныгытырга ярдәм итте.

Бүген мәктәбебездә беренче яртыеллыкка нәтиҗә ясалды. Көн тәртибендә каралган темалар:

1)Кышкы каникул вакытында балаларныж куркынычсызлыгы (Айгиз Анасович чыгышы)

2)Муниципаль контроль эшләргә анализ

3)Сыйныф әңгәмәләре

4)Фән укытучылары белән әңгәмә

Бүген кышкы лагерьның икенче көне. Укучыларны мавыктыргыч программа көтә, ә шулай да көнне зарядкадан башларга, уянырга, кәефне күтәрергә кирәк дип балалар күнегүләр ясарга тезелде.

Ап-ак карларга уранып

Син киләсең яңа ел,

Ак карлардай ак бәхетле 

Булсын безнең яңа юл.

24 декабрь көнне мәктәбебездә чыршы бәйрәме гөрләде. Укучылар чыршы тирәли әйләнделәр, уеннарда катнаштылар, килгән кунакларны җырлар, биюләр, скетчлар белән шатландырды.  Бәйрәм уку алдынгыларын, олимпиада җиңүчеләрен котлаудан башланып китте, алга таба укучылар һәм укытучылар көче белән әзерләнгән яңа ел маҗарасы булды. Яңа ел бәйрәме ничек күңелле узса, киләр елыбыз да шундый булсын иде.

Бүген мәктәбебез укучылары өчен лагерь эшли башлады. Беренче көнне башлангыч сыйныф укучылары өчен чыршы бәйрәме уздырылды. Әти- әниләр, килгән кунаклар матур җырлар, күңелле биюләр, яңа ел әкиятен карап күңел ачты.  Бәйрәмне әзерләүдә катнашкан барлык кешеләргә дә рәхмәт белдерелде.

Яңа ел алдыннан мәктәбебез укучыларын ишек алдындагы  әкият геройлары  каршы ала. Быел да  күмәк тырышлык белән кардан төрле сыннар ясалды. Кыш бабай блән Кар кызы янәшәсендә 2016 елның хуҗасы маймыл һәм киләсе ел символы әтәч тә бар.

27 декабря 2016 года состоится совместный прием граждан Уполномоченным по правам ребенка и заместителем министра образования и науки РТ по вопросам защиты прав несовершеннолетних в сфере образования

Бүген мәктәбебез укучыларына яңа ел бүләкләре таратылды. Өлкән сыйныф активистлары бүләкләр таратуда булышты. Көн күңелле тәмамланды.

Мәктәбебез укучылары яңа елга әзерлек уңаеннан тәнәфесләрдә флешмоб биеделәр. Мондый тәнәфесләр укучыларның кәефен күтәрде, ял иттерде.