Галимова Аделина белән әнисе Гөлнур тудырган могҗиза.

Балалар бакчасында "Әниләр белән бергәләп" дип исемләнгән конкурс старт алды. Конкурска кулдан эшләнелгән яңа ел уенчыклары, кыш бабай, кар кызлары кабул ителә. Бәйгегә йомгак 28 нче декабрь- Яңа ел бәйрәмендә ясалачак.

2015 нче елның 1 гыйнварыннан балалар бакчасына йөргән өчен түләүләр арта. 3 яшькә кадәр балалар өчен 2432 сум, 3-7 яшь өчен 2528 сум тәшкил итәчәк. Күп балалы гаиләләр өчен 3 яшькә кадәр- 1216 сум, 3-7 яшьлекләр өчен 1264 сум булачак.

Бүген балалар бакчасында "Ак ефәктән кыш килде" атналыгына йомгаклау чарасы буларак "Көзге әкият" рәсем конкурсы үткәрелде. Балалар чарада бик актив катнаштылар һәм үзләренең бар фантазиясен эшкә җиктеләр. Рәсемнәрдән эшләнгән күргәзмә белән әти-әниләр дә танышты.

29 нчы ноябрь көнне балалар бакчасында зур бәйрәм- ӘНИЛӘР көне үткәрелде. Чарада балаларның яраткан әниләре, әбиләре катнашты. Нәниләр өйрәнгән шигырьләрен сөйләделәр, матур җырлар башкардылар, театрәлләшкән тамаша күрсәттеләр, кыскасы әниләрен чын күңелдән бәйрәм белән котладылар. Әлеге чара бик күңелле узды һәм һәркемнең хәтерендә калырлык булды.

Бүген балалар бакчасында күренекле якташыбыз Шәүкәт Биктимировны искә алу кичәсе булып үтте. Балалар актерның тормыш юлы, эшчәнлеге белән таныштылар һәм "Әлдермештән Әлмәндәр" спектакленнан өзек карадылар.

Бүген бездә "Алтын көз" бәйрәме булып узды. Балалар көз турында шигырьләр сөйләделәр, матур җырлар җырладылар һәм гөмбәләр биюен башкардылар. Әлеге бәйрәм нәни тамашачыларга бик ошады.

Зурлар төркемендә гимнастика вакытыннан күренеш.