19 февраль көнне мәктәбебездә Халыкара Туган тел көненә багышланган чаралар башланып китте. Татар теле укытучысы Зәйнәгыева З. Ф. 6 нчы сыйныфлар белән “Тел дигән дәрья бар..” дигән темага КВН үткәрде. Укучылар “Сузыклар” һәм “Тартыклар” командаларына бүленеп көч сынаштылар. Кичә “Туган тел” җыры белән тәмамланды.

18 февраль көнне хәрби-патриотик айлыгы һәм физкультура атналыгы кысаларында башлангыч класслар арасында чаңгы ярышлары үткәрелде. Малайлар арасында 1 урын Мирзегалямов Айзат, 2 урын Сафин Сәйдәш, 3 урын Мирзегалямов Таһир, кызлар арасында 1 урын Зәйниева Рәзинә, 2 урын Галиева Исламия, 3 урын Сафина Алинә яулады.

17нче февраль көнне мәктәптә Бөтенроссия “Кайнар йөрәк” иҗтимагый – дәүләт инициативасына багышлап Батырлык дәресләре үткәрелде. 

16 февраль көнне хәрби-патриотик айлыгы һәм физкультура атналыгы кысаларында теннис  ярышы үткәрелде.  1 урынны Галимуллин Булат, 2 урынны Галимов Айтуган, 3 урынны Гилязетдинов Зәнил  яулады. Аларны котлыйбыз!

4 классларда, Әфганстанда хәрби хезмәттә һәлак булган ир-егетләрне искә алу, укучыларда әти-абыйларына карата горурлык, ватанпәрвәрлек хисе тәрбияләү максатыннан,  класс сәгате үткәрелде. Бу сугышларда һәлак булган солдатларның ата-аналары күргән кайгылар башка беркемнең дә башына төшмәсен, хәзерге вакытта хәрби хезмәттә булган абыйларга тыныч көннәрдә армия хезмәтен үтеп, исән-имин туган якларына әйләнеп кайтуларын теләп, класс сәгатенә йомгак ясалды.

Районда игълан ителгән “Янәшәдә ветеран яши” акциясе кысаларында 15 февраль көнне 5 классы укучылары педагог-оештыручы Габделхакова Г.Р белән берлектә тыл ветераны Газизова Әминә апа белән «Хәтер дәресе» үткәрделәр. Әминә апа  сугыш вакыйгалары турында сөйләде, үзенең фотоларын күрсәтте, истәлекләр белән таныштырды һәм укучыларга үзенең изге теләкләрен җиткерде. Тырышып укырга, илебезне сакларга кушты.

Советлар Союзы герое, Ленин премиясе лауреаты, талантлы шагыйрь, каһарман шәхес Муса Җәлилнең ттуына 110 ел тулуга багышлап, мәктәп китапханәсендә "Истә синең якты гомерең" дигән күргәзмә оештырылды.

Әдәбият дәресендә 8 класс укучылары (укытучы Зәйнәгыева З.Ф) 15 февраль -Интернационалист сугышчыларны искә алу көне уңаеннан, “Саба таңнары” газетасында чыккан Фәнил Мәүлетовның “ Хәтерләрдә упкын бар” мәкаләсеннән күрше авыл егете Мөнир Газизуллинның батырлыгы турында укып таныштылар. Әлеге дәрестән соң, укучыларда Мөнир абыйлары белән очрашып сөйләшү теләге уянды.

13 февраль көнне 1 класс укучылары (җит.Ханнанова А.С.) "Әлифба"  бәйрәме үткәрделәр. Бәйрәм бик күңелле үтте.

 13 февраль көнне  Шекше авыл җирлегендә узган  "Чаңгы юлы - 2016" ярышларында  безнең мәктәпнең  2-9 сыйныф укучылары, укытучылар,техник хезмәткәрләр актив катнашты. Шундый матур кояшлы көндә узган бу чара һәркемнең кәефен күтәрде.   Ярыштан соң җиңүчеләр билгеләнде,  мәктәбебез директоры Зәйнәгыев Н.М җиңүчеләргә истәлекле бүләкләр һәм Грамоталар тапшырды.