Бүген уртанчылар һәм зурлар төркеменә йөрүчеләр Тимершык авылында урнашкан  терлекчелек фермасына экскурсияга бардылар. Балалар сыерлар һәм нәни бозаулар  торакларында булып, йорт хайваннары хакында , терлекче , сыер савучы һөнәрләре  турында белемнәрен ныгыттылар. Экскурсия барышында  терлекләргә карата мәрхәмәтле булырга, табигатьне сакларга, хезмәткә хөрмәт булырга тиешлеге  ассызыкланды. Балалар  берсен-берсе бүлдереп үз хуҗалыкларында булган терлекләрне санадылар, аларны ничек яратулары хакында әйттеләр. Экскурсия бик кызыклы һәм файдалы булды.

Өлкәннәр көне уңаеннан бакчада эшләп лаеклы ялга чыккан апаларны кунакка чакырдык. Балаларның чыгышы аларга бәйрәм бүләге булды.Соңыннан чәй өстәле артында элекеге истәлекләрен сагынып искә алдылар.

Бакчабызда “Уңыш бабайда кунакта” көз күчтәнәчләреннән күргәзмә оештырылды. Балалар һәм әти-әниләр бик теләп катнашты. Рәхмәт аларга.

Балаларда табигатьтәге көзге үзгәрешләр, көзге уңыш турындагы белемнәрен арттыру, күзәтүчәнлекләрен үстерү, көз турындагы белемнәрен киңәйтү максатыннан көзге табигатькә экскурсиягә чыктык. 

Пешекче хезмәте белән танышу өчен ашханәгә экскурсия.

Балалар бакчасы буйлап экскурсия