Укучыларыбыз өчен  тагын бер көн артта калды. Иртәнге аштан соң укучыларыбыз Мишә буена сәяхәт иттеләр. Рәхәтләнеп ял иттеләр,уеннар уйнадылар,балык тоттылар.Көннең икенче яртысында хезмәт лагерена йөрүче укучылар бәйрәм концерты оештырдылар.Бик матур, эчтәлекле һәм тәрбияви чара булды.

Лагерьның 12 нче көне балалар өчен кызыклы үтте.Отрядлар арасында "КВН", "Күңелле стартлар" уеннары үткәрелде.

"Шатлык" лагеренда бүген Россия көне уңаеннан чаралар үткәрелде. Көнебез гимннан башланды, конкурслар белән дәвам итте.Татар халык уеннарын да укучыларыбыз бик яратып уйнадылар.

Укучыларыбыз бүген "Туган телем-татар теле" дип исемләнгән чарада теләп катнаштылар.Тапкыр, зирәк укучылар билгеләнде.Көннең икенче яртысында дару үләннәре белән таныштылар."Туган җирем- Татарстан" презентациясе аша файдалы мәгълүмат алдылар.

Көнебез иртәнге гимнастикадан башланды.Бүгенге көн Мингәр авылына сәяхәт итү белән хәтергә кереп калды.Укучылар экскурсияне бик ошаттылар.Көндезге аштан соң, "Көйне таны" уены үткәрелде.Җыр белән дус укучылар бу уенда сынатмадылар.

Көн укучыларга бик ошады.Иртәнге аштан соң, инглиз теле укытучысы Зилә Бәшировна укучыларга кызыклы шөгыль үткәрде.Укучыларыбыз авыл мәчетендә булдылар.Авылыбызның имамы аларга үзенең үгет-нәсыйхәтләрен бирде.

Лагерь әлеге көне укучыларга бик ошады."Батырларга дан" проект эшләре эшләнде.Укучылар  тырышып башкардылар.Урамда эстафета уеннары үткәрелде."Наркотикларсыз тормыш" акциясе  уңаеннан, флешмоб өйрәтелде.

Бүген лагерьның алтынчы көне.Укучылар өчен тыгыз һәм файдалы көн булды.Иртәнге ашттан соң, рус теле көненә багышланган чара уздырылды. Күңелле старт уенында отрядлар үзара көч сынаштылар.Чаралардан беркем дә читтә калмады.Көн уңышлы үтте.