Бөек шагыйребез   Габдулла Тукайның  “Туган тел” шигырен бик яратып җырладык. Безнең туган телебез чынлап та бик матур, моңлы, назлы тел.Ул безгә әти - әни кебек үк якын. 

Тәрәзәгә күз салдым

Тордым да бүген иртән.

Күргәч аптырап калдым:

Җирне кем ап-ак иткән?

Урамда нишләгәннәр:

Әллә он сипкәннәрме,

Әллә зур мичкәләрдән

Бик күп сөт түккәннәрме?

Бөтен җирдә ак юрган...

Белдем-белдем - кар яуган!

Әй шәп булган, шәп булган -

Без шуарбыз таулардан.

Яңа ел күчтәнәч пакетларын Кыш бабай үзенең дуслары белән өйдән-өйгә кереп өләшеп йорде.Балалар Кыш бабайга һөнәрләрен күрсәтеп күчтәнәчләр белән сыйландылар.

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.