"Татарстан"ыбыз турындагы презентацияне балалар "тын да алмый" карадылар.

Бүген "конструирование" эшчәнлегендә кәгазьдән курчаклар ясадык. Апа белән бергә мәш килдек! Бик ошады безгә бу шөгыль.Әле апага "күрерсез менә" , курчакларны өйдә тагы да матуррак итеп ясап алып киләбез дип сүз бирдек)))

Бу атнада балаларны хайваннар дөньясы белән таныштырдык.Йорт хайваннары белән кыргый хайваннар арасындагы аерманы аңладык.Шигырьләр өйрәндек, презентацияләр карадык, рәсемнәр ясадык, бик күңелле булды.

Бүген бакчабызда чираттагы ата-аналар җыелышы булып узды.Бакчабыз мөдире әти- әниләрне яңача түләүләр белән таныштырды, шулай ук бакчага кагылышлы башка мәсьәләләр дә каралды.

Бүген бакчабызда Корбан итеннән аш пешереп ашадык. Балаларга Алланың барлыгын, берлеген, дини йолаларыбызның саклануы, кирәклеге, изгелек төшенчәләрен тагын бер кат аңлату өчен авылыбызның иң- иң олы ихтирамга лаеклы кешесе- Раушания әби Шамилованы чакырдык. Аның вәгазьләре барыбыз күңелендә дә яхшы уй- теләкләр генә калдырды. Ул балаларның һәрберсенә бисмилла әйттереп: "Акыллы булсам иде, тәүфыйклы булсам иде, әтием- әнием исән- сау булсыннар иде, 7 буын бабаларымның рухлары шат булсын, амин!"- дип әйттереп чыкты. Зур рәхмәт Сезгә Раушания әби!