Уку елы дәверендә бик күп чараларда катнашылган.Мәктәп күләмендә үткән барлык чаралар да 1 сыйныф укучылары катнашыннан башка узмый.

 Район, республика күләмендә үткәрелгән чаралар да шактый. Уңышларыбыз да бар.Хазиев Руслан “Осенние мотивы”,”Зимние забавы” дип аталган дистанцион бәйгеләрдә, Бөтенроссия “Сөйкемле Шүрәле” иҗат бәйгесендә катнашты  һәм уңышларга иреште. Осинова бистәсендә үткән “Авылым - авылкаем” дип аталган республика  фәнни конференциясендә “Зоотехник Энҗе апа ” дип аталган эзләнү эше белән чыгыш ясап, II  нче урынга лаек булды һәм Грамота белән бүләкләнде. Фәтхриева Алсинә II нче Республикакүләм Г.Тукай исемендәге “Теле барның – иле бар”сәнгатьле сөйләм конкурсының район этабында уңышлы чыгыш ясаганы өчен Рәхмәт хатына, Г.Тукайның 126 ел тулуга багышланган “Сөй халыкның дөньясын!” дип исемләнгән район шигырь бәйгесендә катнашкан өчен Грамота белән бүләкләнде. Вәлиев Илгизәр Осинова бистәсендә үткән “Авылым - авылкаем” дип аталган республика  фәнни конференциясендә “Тимер ат иясе – хатын кыз! ” дип аталган эзләнү эше белән чыгыш ясап, III  нче урынга лаек булды һәм Грамота белән бүләкләнде.

22 нче май көнне Саба районы мәгариф бүлегенең  башлангыч сыйныфлар методисты Ләйсән Марселевна  1 сыйныфларның дәресләрендә һәм “Мин  туган җиремне яратам!”, - дип аталган дәрестән тыш эшчәнлек түгәрәгендә катнашты.  Үзенең уй –теләкләрен җиткерде. Балаларны уңышлары белән котлады.  2 нче сыйныфка укырга килгәндә сау- сәламәт булуларын теләде!

Күңелле яллар сезгә Беренчеләр !