Тарих укытучысы Сафин Ильдар Фатхуловичның  урта яшьтәге мәктәп укучылары өчен Саба тарихы турында дәреслек белән таныштыруы китапханәчеләрдә кызыксыну уятты. Әлеге дәреслекнең дөнья күрүендә Ильдар Фатхуловичның хезмәте гаять зур.

   Якташыбыз, авылдашыбыз  Рөстәм Зарипов белән очрашу исә килгән кунаклар, мәктәп укучылары, укытучылар күңелендә искиткеч матур хисләр уятты. Кызыклы, юмор хисле кунагыбыз белән чын күңелдән сөйләшү иде бу. Үзенең балачагын, мәктәп елларын сагынып искә алды якташыбыз.Укучыларны күпсанлы сорауларына аңлаешлы, төгәл, тапкыр, юмор хисе белән җавап бирде ул. Укучыларга изге теләкләр, укуларында уңышлар теләде.

   Киңәшмә эшлекле фикер алышулар белән төгәлләнде. Район мәгариф бүлеге методисты Хабибуллина Г.И  Юлбат урта мәктәбенең эшенә уңай бәя бирде. Район китпаханәчеләре алдында туган проблемалар, аларны чишү юллары уртага салып сөйләшенде.