Пионериянең 90 еллыгына багышланган Слетның программасы оешкан төстә үзенчәлекле һәм мавыктыргыч иде: тантаналы линейка, балалар оешмаларының презентация күрсәтүләре, "Пионерлар иленә сәяхәт” дип аталган станцияләр буйлап уен программалары, ветераннар хөрмәтенә оештырылган күп төрле чаралар,тематик дискотека. Барлык делегацияләрдә 5 отрядка бүленеп, үзләренең исемнәрен, девизларын, җырларын башкардылар. Шулай ук биредә "Иң шәп әйдәман” конкурсының йомгаклау турыда булып узды. Әйдаманнар үзләренең уңганлыклары, бар яктан килгәнлекләре белән уртаклаштылар, чыгыш ясадылар. Көн дәвамында пионер хәрәке буенча ветераннарыбыз үләренең хатирәләре, истәлекләре белән уртаклаштылар. Шунда ук Республика этабында балалар хәрәкәте буенча җиңү яулаучыларны да Диплом, Грамоталар белән бәяләп үттеләр, безнең районыбыз укучылары да читтә калмады Грамота, Дипломнарга лаек булдылар. Пионериянең юбилее уңаеннан ветераннарыбызны К.Тинчурин исемендәге Татар дәүләт драма һәм комедия театры сәхнәсендә Казан татар дәүләт Габдулла Кариев исемендәге яшь тамашачылары сәхнәләштергән "Умырзая” спектаклен карарага алып бардылар. Педагог-оештыручы Гөлсинә Раяновна һәм башка ветераннар Мәгариф һәм фән министрлыгының рәхмәт хатыбелән бүләкләнделәр.. Ветераннар үзләренең пионерлар хәрәкәте турында якты хатирәләре, әйдәманнар тормышының кызыклы мизгелләре белән уртаклаштылар, балалар һәм пионер җырларын бик теләп башкардылар. Саубуллашу кичәсендә учак янында башкарылган күпсанлы пионерлар һәм балалар җырлары башкарулар хәтерләрдә мәңге якты эз калдырыр, озак сакланыр.