Анда Мубаракшин Нәфкать 1нче урынны яулады. Галләмова Алсу актив катнашкан өчен грамота белән бүләкләнде.  Мәктәпләребездә ялкынланып эшләүче педагог-оештыручыларыбыз да хөрмәтләнде. Алар арасында Гөлсинә Раяновна булу да безне бик сөендерде. Алар җитәкләгән оешмалар күңелле яши, варислар төрле район, республика конкурсларында катнашып, зур уңышларга ирешәләр, районыбыз данын республикага таныталар, бүген шундый бер оешма, бер варис та читтә калмады. Слетның икенче өлеше быел яңа формада, сабантуй формасында, оештырылды. Күңелле итеп бирнә җыю, уеннарда зур кызыксыну белән катнашу балаларның күңеленә хуш килде. Тантана хәрәкәтле биюләр, җырлар белән учак янында дәвам итте. Бүгенге очрашу мизгелләре күңелләрдә озак сакланыр дип ышанабыз. Гореф- гадәтләребезне белү, традицияләрне яңартып дәвам итү - безнең бурыч. Йөрәкләрдә кабынган очкын сүнмәсен, алга таба да дәрт өстәп торсын, ялкынланып эшләргә насыйп булсын.