4  март көнне  Ләшәү-Тамак  төп гомум белем бирү мәктәбендә "Ягез әле кызлар!"кичәсе үтте.Бу кичәдә 6-9 нчы класс укучылары ике командага бүленеп ярыштылар. Бәйге танышу белән башланып китте. Жюри итеп Разия Марваровна, Гөлчәчәк Фаиловна һәм мәктәбебезне тамамлаган укучыбыз Нәфис сайланды. Алар гадел хөкем ясадылар. 

Бүген Ләшәү-Тамак төп гомум белем бирү мәктәбенә район мәгәриф бүлегенән, тәрбия эшләре буенча методист Шакирова Г.В. килде. Ул планнарны тикшереп кенә калмады, үзенең яшь укытучыларга методик ярдәмен күрсәтте.

Бүген мәктәбебездә "8-Март бәйрәме"узды. Кунак булып әниләр,әбиләр һәм кызлар килделәр. Укучыларыбыз аларга атап концерт номерлары әзерләделәр. Башлангыч сыйныф укучылары үз куллары белән әниләргә бүләкләр әзерләп тапшырдылар.

Ләшәү-Тамак балалар бакчасы "егетләре" үзләренең биюләре белән,язның беренче бәйрәме - 8 март белән котладылар

Ләшәү-Тамак балалар бакчасында әтиләргә һәм әниләргә багышланган бәйрәм иртәсе үткәрелде. Балалар ныклап әзерләнделәр.Яңа җырлар,биюләр, шигырьләр өйрәнделәр.Бәйрәм иртәсе төрле уеннар белән үрелеп барды. Әти-әниләр ике командага бүленеп балаларга "Шалкан" һәм "Йомры икмәк" әкиятен күрсәттеләр.Бәйрәм чәй табыны белән тәмамланды. Әти-әниләргә һәм балаларга бәйрәм бик ошады.

Укучылар ике командага бүленеп стенд газета чыгардылар.

Ләшәү-Тамак төп гомум белем бирү мәктәбендә инглиз теле атнасы башланып китте. Укучылар төрле конкурсларда теләп катнашалар.Бүген рәсем конкурсы булды.

25 нче февраль көнне мәктәбебездә "Ягез әле егетләр"кичәсе үтте.Анда егетләр үзара көч сынаштылар,үзләренең осталыкларын,җитезлекләрен күрсәттеләр.Кичә бик күңелле узды.

Муса Җәлил шигырьләрен укучылар бик теләп яттан сөйләделәр.Яхшы итеп сөйләүчеләргә  грамоталар тапшырылды. Алар арасында республика күләм уздырылган конкурста катнашучылар булды. 3 нче класстан Ибатуллин Аяз, 4 нче класстан Сибгатов Айнур сертификат һәм грамоталар белән бүләкләнделәр.

Бүген Ләшәү-Тамак төп гомум белем бирү мәктәбе укучылары аҗаган уенына ныклы әзерлек белән килделәр.