Чираттагы көнебез-Бантиклар көне.  Балаларга өй эше бирелгән иде: кем күпме булдыра ала шуның чаклы бантик тагып алып килергә. Алар арасында җиңүчеләрне билгеләдек. Көнне мода күрсәтү белән дәвам иттек. Балалар нәкъ модельерлар кебек подиумда йөреп күрсәттеләр. ”Звоночки”отряды хәтта кәгазьдән күлмәкләр дә теккәннәр иде. Күрсәтү уеннар белән аралаштырып алып барылды.Соңыннан дискотека оештырдык.

   Җәй  - шундый чор инде ул: һәркем, һәрнәрсә, озын-озак кышлар киләсен уйлап, алдан ук әзерләнә. “Пчелка” исемендәге мәктәп  яны ял һәм хезмәт лагерендә йөрүче укучылар да кышкы азык - тал себеркесе әзерләүдә  бик теләп катнаштылар. Хуш исле, җәй тәме сеңгән тал себеркеләренә кәҗә-сарык бәтиләре бик сөенер. 

18 июнь. Бүген-туган көнчеләр көне. Иң беренче эш итеп җәй аенда туганнарны котлап, һәрбер отряд открытка ясады. Аннан ике командага (туган көнчеләр һәм кунаклар) бүленеп, төрле ярышлар үткәрдек. Соңыннан һәрберсенә бәйрәм уңаеннан бүләк өләшенде.

17 июнь көнне лагерь балалары Кукарямба фәне мәктәбенә сәяхәт кылдылар. Бу мәктәптә булу аларга бик ошады. Чөнки бу мәктәптәге дәресләр бары тик шаяру , елмаю, көлү , җыр-биюдән генә торды.

Бүген, 16 нчы июнь көнне, гимназия яны  лагеренда ял итүчеләргә  әңгәмә белән ПДН инспекторы Алиуллин Фәрит Фоат улы килде.  Ул укучыларга юл йөрү кагыйдәләрен, велосипедта йөрү кагыйдәләрен искәртте,   кичке сәгать 11 дән соң балигъ булмаган балаларга  урамда йөрергә ярамаганлыгын тагын бер кат исләренә төшерде,  терроризм турында сөйләде. 

16 июнь көнне Минзәлә театры “Дүрт дус”дигән спектакль курсәтте. Балаларга чыгыш бик ошады.

15 июнь көнне ял паркында Россия көненә багышланган “Бәхетле балачак” исемле бәйрәм уздырылды. Бәйрәмдә балалар бик актив булдылар: асфальтка рәсем ясадылар (2урын), төрле уеннарда катнаштылар.

“Пчелка” исемендәге мәктәп  яны ял һәм хезмәт лагерендә йөрүче укучылар мәктәп территориясен чисталыкта тоталар, түтәлләргә су сибәләр. Шул ук вакытта төрле кызыклы чараларда катнашалар.